"Челси" бош мураббийи Маурисио Почеттино ҳужумчи Николас Жексон ҳақидаги доимий гап-сўзларни тўхтатишга чақирди.
Жорий мавсум бошлангунга қадар лондонликлар сафига қўшилган 22 ёшли футболчи голли вазиятларни якунлай олмагани учун мунтазам танқид қилинмоқда.
Премьер-лиганинг сўнгги етти учрашувида форвард фақат бир марта гол урган.
"Жексон жуда кўп эътиборни тортади. Биз унга ишонишимиз керак. Мухлислар уни қўллаб-қувватлагани ёқимли эди.
Мен шундай мухлисларни қадрлайман. "Кристал Пэлас"га қарши ўйинда Николас жуда яхши ўйнади - унга фақат гол керак эди. У жамоа учун ажойиб ишлади, кўп югурди ва прессинг қилди", - дея Почеттинонинг сўзларини келтирмоқда Irish Examiner.
