Лондоннинг "Тоттенхэм" клуби "Челси" билан ярим ҳимоячи Конор Галлахернинг трансфери бўйича музокараларни давом эттирмоқда.
Журналист Жанлука Ди Марционинг таъкидлашича, "шпорлар" 23 ёшли англиялик футболчини қишки трансфер ойнасида ҳам қўлга киритишга умид қилмоқда.
Эслатиб ўтамиз, Галлахернинг “Челси” билан шартномаси тугашига бир ярим йил қолди. Клуб раҳбарияти ярим ҳимоячини сотишга тайёр, бироқ ҳозирча бошланғич нарх 60 миллион евро этиб белгиланган.
"Челси" ҳали Галлахер билан янги шартнома имзолашдан узоқда. Шунга қарамай, бош мураббий Маурисио Почеттино ярим ҳимоячини ўз жамоасида олиб қолмоқчи.
