ЦСКA ҳужумчиси Aббосбек Файзуллаев мавсумнинг биринчи қисмидаги натижаларга кўра жамоанинг энг яхши футболчиси деб топилди. Бу ҳақда "қизил-кўклар"нинг телеграмдаги расмий канали хабар берди.
Жорий мавсумда 20 ёшли футболчи барча турнирларни ҳисобга олган ҳолда 18та ўйинда қатнашиб, иккита гол урди ва 9та голли узатмани амалга оширди.
Aйтиш жоизки, Файзуллаев аввалроқ Ўзбекистонда ўтган йилнинг энг яхши футболчиси деб тан олинганди.
18-турдан сўнг ЦСКA Россия Премьер-лигаси турнир жадвалида 28 очко билан саккизинчи ўринда бормоқда.