"Барселона" Педри "Осасуна"га қарши Испания Суперкубоги баҳсида майдонга туша олишига умид қилмоқда.
Машғулотдан ташқарида олган жароҳати туфайли испаниялик футболчи "Альмерия" билан Ла Лига учрашувини ўтказиб юборди. Журналист Жорди Хилнинг ёзишича, Педрининг Испания Суперкубоги ярим финал учрашувида иштирок этиши ҳали ҳам мумкин.
21 ёшли ярим ҳимоячи “Лас-Пальмас” (4 январь) ва “Барбастро” (7 январь, Испания Кубоги)га қарши ўйинларни ўтказиб юборади, бироқ “Осасуна” (11 январь) билан ўйинда майдонга қайтишга улгуриши мумкин. "Барселона" асосий ярим ҳимоячи Суперкубокда ўйнаши учун барча имкониятларни ишга солмоқда. Шу билан бирга, қайд этилганидек, клуб футболчини тикланишга мажбурламайди.
