"Barselona" Pedri "Osasuna"ga qarshi Ispaniya Superkubogi bahsida maydonga tusha olishiga umid qilmoqda.

Mashg‘ulotdan tashqarida olgan jarohati tufayli ispaniyalik futbolchi "Almeriya" bilan La Liga uchrashuvini o‘tkazib yubordi. Jurnalist Jordi Xilning yozishicha, Pedrining Ispaniya Superkubogi yarim final uchrashuvida ishtirok etishi hali ham mumkin.

21 yoshli yarim himoyachi “Las-Palmas” (4 yanvar) va “Barbastro” (7 yanvar, Ispaniya Kubogi)ga qarshi o‘yinlarni o‘tkazib yuboradi, biroq “Osasuna” (11 yanvar) bilan o‘yinda maydonga qaytishga ulgurishi mumkin. "Barselona" asosiy yarim himoyachi Superkubokda o‘ynashi uchun barcha imkoniyatlarni ishga solmoqda. Shu bilan birga, qayd etilganidek, klub futbolchini tiklanishga majburlamaydi.