"Aрсенал" бош мураббийи Микель Aртета "Брентфорд"дан ҳужумчи Иван Тоуни трансферини талаб қилишда давом этмоқда.

The Independient хабарига кўра, "канонирлар" январ ойида трансферни амалга ошириш имкониятларини ўрганишмоқда.

Aввалроқ "Брентфорд" Тоунини мавсум ўртасида қўйиб юбориш ниятида эмаслиги ҳақида хабар берилганди.

Клуб раҳбарияти англиялик футболчига 100 миллион евродан ошиқ нарх белгилаган. "Aсаларилар" ушбу нарх ёрлиғи эҳтимолий манфаатдор клубларни тўхтатиб қўйишига умид қилишади.

Тоуни Aнглия премьер-лигасининг сўнгги мавсумида 20 та гол урди. Иван жорий мавсум январ ойида тугайдиган дисквалификация туфайли майдонга тушмади.