"Ливерпуль"нинг 3 нафар футболчиси WhoScored порталининг 2023 йилги Премьер-лига учун қайдномасига киритилди.

Шунингдек, жамоа таркибига “Манчестер Сити”нинг икки нафар вакили, “Астон Вилла”, “Арсенал”, “Манчестер Юнайтед”, “Фулхэм”, “Брентфорд” ва “Эвертон” клубларидан бир нафардан футболчи киритилган.

Жамоа таркибида камида 30 марта асосий таркибда майдонга тушган энг юқори баҳоли футболчилар тегишли позицияга киритилган.

Демак, таркиб қуйидагича:

– дарвозабон: Алиссон («Ливерпуль», 6,83 балл);

– ҳимоячилар: Трент Александер-Арнолд («Ливерпуль», 7,29), Вирджил ван Дейк («Ливерпуль», 7,19), Итан Пиннок («Брентфорд», 7,14), Энтони Робинсон («Фулхэм», 6,92);

– ярим ҳимоячилар: Букайо Сака («Арсенал», 7,44), Бруну Фернандеш («Манчестер Юнайтед», 7,36), Родри («Манчестер Сити», 7,28), Дуайт Макнил («Эвертон», 7,18);

– ҳужумчилар: Эрлинг Холанд («Манчестер Сити», 7,39), Олли Уоткинс («Астон Вилла», 7,22).