"Милан"нинг марказий ҳимоячиси Фикайо Томори "Бавария" радарига тушди.
Мюнхен клуби мудофаа марказини мустаҳкамлашнинг турли вариантларини кўриб чиқмоқда ва 26 ёшли "россонерилар" футболчиси учун қисқа рўйхатда жой бор эди, дея хабар беради журналист Флориан Плеттенберг.
Ҳозирда трансфер даргумон, чунки "Милан" январь ойида инглизни сотмоқчи эмас, аммо "Бавария" келажакда янги уриниш қилиши мумкин.
Фикайо Томори жорий мавсумда Стефано Пиоли жамоаси учун 22 та ўйин ўтказди ва учта гол урди. Трансфермаркт портали футболчининг қийматини 40 миллион евро деб баҳолайди.
