"Рома" бош мураббийи Жозе Моуриньо яна бир бор келажаги ҳақида гапирди.
Португалиялик мутахассиснинг Рим клуби билан шартномаси июнь ойида тугайди ва шартномани узайтириш масаласи, маълумки, ҳозирча муҳокама қилинмаяпти. Яқинда матбуотда Моуриньонинг Бразилия терма жамоаси бош мураббийи лавозимига тайинланиши мумкинлиги ҳақида маълумотлар пайдо бўлди.
"Бу ҳақиқатми ёки йўқлигини билмайман, чунки Бразилия терма жамоасидан ҳеч ким мен билан боғланмади. Мен агентимга аллақачон "Рома"даги келажагим аниқланмагунча бошқа иш берувчилар билан музокаралар олиб бормаслигимни айтгандим. Клубдан ҳам шуни кутаман - менимча, хўжайинлар менинг орқамдан бошқа мураббийлар билан мулоқот қилишмайди. Биз бир-биримизга ишонамиз", - деди Моуриньо.
