Кеча, 3 январь куни “Атлетико” Испания чемпионатининг 19-тури доирасида “Жирона”га қарши майдонга тушди – 3:4.

“Матрасчилар”нинг учта голига ҳам 31 ёшли ҳужумчи Альваро Мората муаллифлик қилди.

Испаниялик футболчи Диего Симеоне жамоасида ўзининг энг муваффақиятли мавсумини ўтказмоқда, у аллақачон 24 учрашувда 17 та гол урган.

Аввалги энг яхши кўрсаткич 2019/2022 йилги мавсумда 16 та гол бўлган бўлса, Мората бунга эришиш учун 44 та ўйин ўтказиши керак эди.

Умуман олганда, форвард Мадрид клуби сафида 79 та ўйинда майдонга тушиб, 37 та гол ва 6 та голли узатмани амалга оширган.