"Реал" клуби раҳбарияти жамоа ярмҳимоячиси Какани Махачқалъанинг "Анжи" клубига сотиш учун фаол ҳаракат қилмоқда, дея хабар беради испан матбуоти.
Манбада айтилишича, клуб бош мураббийи Жозе Моуриньо Бразилиялик футболчининг хизматларидан фойдаланмоқчи эмас ва унинг бошқа клубга ўтишини мақбул деб ҳисобламоқда.
Шунинг учун "қаймоқранглилар" қишки трансферлар ойнаси ёпилишига қадар ушбу келишувни амалга ошириш учун барча имкониятларни ишга солмоқчи.
Бунинг устига "Анжи" директори Роберто Карлос клуб унинг ватандошига қизиқиш билдирмаганлигини таъкидламоқда.
Эслатиб ўтамиз, Кака Испания чемпионатида бор-йўғи 7 марта майдонга тушган ва шундан биттасида бошланғич таркибга кирган.
