Жим Рэтклиффнинг "Манчестер Юнайтед" ходимлари билан учрашуви тафсилотлари маълум бўлди.
The Athletic хабарига кўра, Рэтклифф "Манчестер Юнайтед" ходимларига ўз сармоясидан фойда олиш ҳақида қайғурмаслигини, аксинча, клубни "энг катта совринларни қўлга киритишга" қайтаришни истаётганини айтган.
"Манчестер Юнайтед"нинг янги хўжайини клуб сўнгги ўн йил ичида муваффақиятсизликка учраганини тан олди ва INEOS буни ўзгартирмоқчи эканлигини айтди.
Рэтклифф "Манчестер Юнайтед" пандемиянинг оғир даврида тижорий барқарорликни кўрсатганини тан олди, аммо улар ютуқларни даромад билан эмас, балки совринлар билан ўлчашларини ва ҳамма бунга эътибор қаратишлари кераклигини айтди.
Ходимлар шуҳратпарастлик кўлами ва ҳозирги воқеликни тушунишдан ҳайратда қолганлиги қайд этилди.
