Туриннинг “Ювентус” клуби Италия кубогининг чорак финалига йўл олди, бу “Салернитана” устидан 6:1 ҳисобида зафар қучганидан кейин содир бўлди.

Аммо бу ўйинда айнан "Ювентус" биринчи бўлиб гол ўтказиб юборди - исми ва фамилиясини талаффуз қилиб бўлмайдиган Чуквубуйкем Иквуемеси нигериялик футболчи ўйиннинг 59-сониясидаёқ "Ювентус" дарвозасига гол урди. Маълум бўлишича, бу туринликлар жамоасининг деярли 7 йил ичида ўтказиб юборган энг тезкор голи бўлди.

Охирги марта "Ювентус" 2017 йилнинг 26 августида "Женоа"га қарши ўйиннинг 18-сониясида Миралем Пьянич автогол урган эди.