Мадриднинг “Реал” клуби бош мураббийи Карло Aнчелотти Дортмунднинг “Боруссия” клубидан сотиб олинганидан кейин ёздан бери жамоада ўйнаётган ярим ҳимоячи Жуд Беллингемни юқори баҳолади.
"Жуд Беллингем - дунёнинг энг яхши футболчиси", - дея Aнчелоттининг жума кунги матбуот анжуманидан иқтибос келтирди Madrid Xtra.
2023/2024 йилги мавсумда Беллингем "Реал Мадрид" сафида 22 та расмий ўйин ўтказди. Уларда англиялик 17 та гол урди ва бешта голли узатмани амалга оширди.
Ҳозирда "Реал" шов-шувли "Жирона" билан бирга Ла Лига турнир жадвалида пешқадамлик қилмоқда - жамоалар 48 очкодан жамғарган.