"Вулверхэмптон" вакиллари "Ливерпуль" раҳбарияти билан боғланишди, чунки улар Фабиу Карвальюни ижарага олмоқчи. Бу ҳақда журналист Фабрицио Романо хабар берди.
Манбага кўра, "Вулверхэмптон" "Ливерпул"га Карвальюни жорий мавсум охиригача ижарага олиш вариантини таклиф қилмоқда. Қайд этилишича, 21 ёшли ярим ҳимоячи хизматига “бўрилар”дан ташқари Англия Премьер-лигасининг олтита клуби қизиқиш билдирмоқда. Ўз навбатида, "мерсисайдликлар" ҳам Карвалью мунтазам ўйин амалиётига эга бўлишини истагани учун энг яхши вариантларини кўриб чиқмоқда.
Эслатиб ўтамиз, португалиялик футболчи "Лейпциг" сафида ижара асосида ўйнаган пайтда барча турнирларда 15 та ўйинда қатнашган. Умуман олганда, Карвалью майдонда 360 дақиқа ўтказди.
