"Vulverxempton" vakillari "Liverpul" rahbariyati bilan bog‘lanishdi, chunki ular Fabiu Karvalyuni ijaraga olmoqchi. Bu haqda jurnalist Fabrisio Romano xabar berdi.

Manbaga ko‘ra, "Vulverxempton" "Liverpul"ga Karvalyuni joriy mavsum oxirigacha ijaraga olish variantini taklif qilmoqda. Qayd etilishicha, 21 yoshli yarim himoyachi xizmatiga “bo‘rilar”dan tashqari Angliya Premyer-ligasining oltita klubi qiziqish bildirmoqda. O‘z navbatida, "mersisaydliklar" ham Karvalyu muntazam o‘yin amaliyotiga ega bo‘lishini istagani uchun eng yaxshi variantlarini ko‘rib chiqmoqda.

Eslatib o‘tamiz, portugaliyalik futbolchi "Leypsig" safida ijara asosida o‘ynagan paytda barcha turnirlarda 15 ta o‘yinda qatnashgan. Umuman olganda, Karvalyu maydonda 360 daqiqa o‘tkazdi.