Каталониянинг “Барселона” клуби бош мураббийи Хави Эрнандес “Барбастро” клубига қарши кубок ўйинидан (3:2) сўнг журналистлар билан суҳбатда бўлди.
“Жамоа бу учрашувда азоб чекиши керак эди. Ўйиннинг биринчи ярмини ишончли ўтказдик. Ҳаммаси осон бўладигандек туюлди, лекин биз ўйлагандан ҳам қийинроқ бўлиб чиқди.
Бироқ, биз 1/8 финалга чиқдик ва бу энг муҳими. Охирги учрашувда жамоага консентрация етишмади. Биз ўз хатоларимиз билан ўйинни мураккаблаштирдик", - дея мутахассиснинг сўзларини келтиради Marca нашри.
Испания чемпионатида "кўк-анорранглилар" биринчи ўриндаги "Реал Мадрид"дан 7 очко ортда қолган ҳолда учинчи ўринда бормоқда.
