Kataloniyaning “Barselona” klubi bosh murabbiyi Xavi Ernandes “Barbastro” klubiga qarshi kubok o‘yinidan (3:2) so‘ng jurnalistlar bilan suhbatda bo‘ldi.
“Jamoa bu uchrashuvda azob chekishi kerak edi. O‘yinning birinchi yarmini ishonchli o‘tkazdik. Hammasi oson bo‘ladigandek tuyuldi, lekin biz o‘ylagandan ham qiyinroq bo‘lib chiqdi.
Biroq, biz 1/8 finalga chiqdik va bu eng muhimi. Oxirgi uchrashuvda jamoaga konsentrasiya yetishmadi. Biz o‘z xatolarimiz bilan o‘yinni murakkablashtirdik", - deya mutaxassisning so‘zlarini keltiradi Marca nashri.
Ispaniya chempionatida "ko‘k-anorranglilar" birinchi o‘rindagi "Real Madrid"dan 7 ochko ortda qolgan holda uchinchi o‘rinda bormoqda.
