Лига "Сурхон арена"да олиб борилаётган таъмирлаш ишларини кузатиб бормоқда.
Ўтган йилнинг 17 декабрь санасида мутахассисларимиз Термизда бўлди. Стадионга POA PRATENCE майси ётқизилган бўлиб, уни парваришлаш ишлари олиб борилмоқда. Эндигина униб чиқаётган майса ўзини ушлаб олиши учун бироз вақт керак. Ҳозирча майса илдизининг узунлиги 4 смга этган. Дренаж тизими тўлиқ куч билан ишламоқда.
7 январь куни Лига медиаси "Сурхон арена"да бўлди ва амалга оширилаётган ишларни суратга олди. Айни вақтда нафақат асосий майдон, балки унинг орқасида жойлашган машғулот майдони ҳам замонавий усулда тайёрланмоқда. Мухлислар жой олиши мўлжалланган трибуналар ости текислаб қотирилган. Эндиликда унинг устига ўриндиқлар ўрнатилади.
Техник зона, кийим алмаштириш, ҳакамлар ва комиссарлар хоналарида тўлиқ янгилаш ишлари олиб борилмоқда. Захира ўриндиқлари мухлислар футбол томоша қилишига ҳалал бермаслиги учун майса сатҳидан пастроққа туширилган ва унинг учун керакли жиҳозлар харид қилинган. Эндиликда ТВ камералари ўрнатиладиган нуқталар, ОАВ учун ложалар ва бошқа хоналарни Лига талаби асосида шакллантириш ишлари олиб борилади. Қуйидаги видео орқали амалга оширилган ишларни кўриш мумкин.
"Сурхон" арена август ойига қадар футбол учрашувларини қабул қила олишга тайёр ҳолга келтирилиши режалаштирилган. Клуб мавсумнинг иккинчи даврасидан эътиборан Термизга қайтиш учун барча ишни амалга оширмоқда. Унга қадар мавсумнинг биринчи даврасини Тошкентдаги "Пахтакор" стадионида ўтказиб туради.
&description=%D0%9B%D0%B8%D0%B3%D0%B0%20%26quot%3B%D0%A1%D1%83%D1%80%D1%85%D0%BE%D0%BD%20%D0%B0%D1%80%D0%B5%D0%BD%D0%B0%26quot%3B%D0%B4%D0%B0%20%D0%BE%D0%BB%D0%B8%D0%B1%20%D0%B1%D0%BE%D1%80%D0%B8%D0%BB%D0%B0%D1%91%D1%82%D0%B3%D0%B0%D0%BD%20%D1%82%D0%B0%D1%8A%D0%BC%D0%B8%D1%80%D0%BB%D0%B0%D1%88%20%D0%B8%D1%88%D0%BB%D0%B0%D1%80%D0%B8%D0%BD%D0%B8%20%D0%BA%D1%83%D0%B7%D0%B0%D1%82%D0%B8%D0%B1%20%D0%B1%D0%BE%D1%80%D0%BC%D0%BE%D2%9B%D0%B4%D0%B0.&image=%2Fimages%2Fnews%2F%D0%A1%D0%A3%D0%A0%D0%A5%D0%9E%D0%9D_%D0%A1%D0%A2%D0%94.jpg&noparse=true){kind=link}