Италиялик ҳимоячи Леонардо Бонуччи янги клуби – “Фенербахче” билан келишиб олди.
Бу ҳақда журналист Ягиз Сабунчўғли ижтимоий тармоқларда ёзди. 2023 йилнинг сентябрь ойидан бери Бонуччи Германиянинг "Унион" клубида ўйнамоқда.
Немис клуби сафида 10 та учрашувда тажрибали италиялик ҳимоячи битта гол урган. 36 ёшли Бонуччи Италия терма жамоаси сафида Европа чемпионатида ўйнаш имкониятини ошириш мақсадида жамоасини ўзгартирмоқчи экани аввалроқ хабар қилинганди.
Кейинги ёзда Германияда бўлиб ўтадиган турнирда "Скуадра Адзурра" кубокни ҳимоя қилади.
Transfermarkt портали Леонардо Бонуччини 1,5 миллион еврога баҳоламоқда.
