Ўзбекистон миллий терма жамоаси аъзоси Санжар Турсунов янги йилдан бошлаб Россия премьер-лигаси вакили «Крилья Советов» сафида тўп сурадиган бўлди.
Футболчи ва клуб тез орада шартнома имзолаши кутилмоқда. Ҳозирча шартноманинг қанча муддатга имзоланиши ва унинг молиявий шартлари борасида аниқ маълумотлар берилмаган.
Қайд этиб ўтиш жоиз, Ўзбекистоннинг 2012 йилги мавсумдаги энг яхши футболчиси номини йўлга киритган футболчига бир қатор жамоалардан таклифлар бўлганди. Уларнинг ичида Тошкентнинг «Бунёдкор» ва «Локомотив», шунингдек араб мамлакатларининг бир қатор жамоалари бор эди. Аммо «Алания» собиқ яримҳимоячиси премьер-лигада қолишни афзал билди.