"Барселона" вингери Рафинья Диас "Осасуна"га қарши ўйинда жароҳат олди.

Бразилиялик футболчи Испания Суперкубоги ярим финалида “Осасуна”га қарши кечган ва каталонияликларнинг 2:0 ҳисобидаги ғалабаси билан якунланган ўйиннинг 42-дақиқасида алмаштирилди.

Журналист Тони Хуанмартининг сўзларига кўра, дастлабки прогнозларга кўра, Рафинья 14 январга белгиланган "Реал"га қарши финал ўйинида ўз вақтида тикланишга улгурмаслиги мумкин.

27 ёшли футболчи сонидан жароҳат олган. Рафинья жорий мавсум “Барселона” сафида 19 та ўйинда майдонга тушиб, 4 та гол ва 7 та голли узатмага муаллифлик қилган.