Италия А Сериясида 1-давра ўйинлари якунланди, турнир жадвалида “Интер” ва “Ювентус” пешқадамлик қилмоқда. Турин клубининг собиқ футболчиси Андреа Барцальининг фикрича, "Интер" айни пайтда "Ювентус"дан кучлироқ.
"Икки жамоа бир-биридан жуда фарқ қилади. Рақамлар муҳим, чунки Италияда ҳар доим энг яхши ҳимоя ютиб келган. “Ювентус” ҳимояда жуда яхши. "Интер" эса нафақат ҳимояда, балки умуман ҳамма позицияда жуда яхши. Бундан ташқари, ажойиб ярим ҳимоя ва ажойиб ҳужум мавжуд. Улар "Ювентус" каби бир тўп фарқи билан ҳам ғалаба қозонишмайди", - деди Барцальи fcinter1908.it билан суҳбатда.
