"Осасуна" ҳимоячиси Давид Гарсия ҳакамнинг "Барселона"нинг ғалаба голини ҳисоблаш қарорини танқид қилди.
Испания Суперкубоги ярим финалида Роберт Левандовски 59-дақиқада ҳисобни очди. "Осасуна" футболчилари Андреас Кристенсен голдан олдин Хосе Арнаисга қўполлик ишлатганини айтишди. Бироқ ҳакам Алехандро Муниз голни ҳисоблашга қарор қилди. Учрашув 2:0 ҳисобида "Барселона" фойдасига ҳал бўлди.
- Левандовскининг голи ҳақида нима дея оласиз?
- Мен голга қарадим. Биринчи бўлимда "Барселона" фойдасига қанча шунга ўхшаш қўполликлар қилинганини ҳамма кўрдик.
Бу жуда аниқ. Левандовскининг голидан олдин аниқ қоидабузарлик бўлди. Орадан уч дақиқа ўтиб, худди шундай қоидабузарлик бўлди, лекин ҳакам бошқа томонга ҳуштак чалди.
Тасодифми ёки йўқми, бу қоидабузарликлар содир бўлганда, улар бир томонга қарор чиқарди. Мен популист бўлишни хоҳламайман, лекин бу аниқ эди" - деди Давид Гарсия.