“Манчестер Сити” ғалабали сериясини 6 та ўйинга етказди.
Пеп Гвардиола шогирдлари АПЛнинг 21-туридан ўрин олган "Ньюкасл" билан ўйинда (3:2) "камбэк"ни амалга оширди.
19 декабрдан буён ўтказилган барча ўйинларда “шаҳарликлар” ғалаба қозонишди. Уларнинг рақиблари: "Урава Ред Даймондс" (3:0), "Флуминенсе" (4:0), "Эвертон" (3:1), "Шеффилд Юнайтед" (2:0), "Хаддерсфилд" (5:0).
Бу вақт ичида "Ман Сити" клублар ўртасидаги жаҳон чемпионатида ғолиб чиқди ва Англия кубогининг 4-босқичига йўл олди.
27 январь куни жамоа Англия кубоги доирасида "Тоттенхэм" билан учрашади.
