Дортмунднинг "Боруссия" клуби етакчиси Марко Ройс Жейдон Санчонинг жамоага қайтиши ҳақида гапирди.
"Санчо фарқ қилади, у ҳар бир учрашувда гол уришга қодир. Жейдон қандай қилиб камчиликни афзалликларга айлантиришни билади. Мен у билан ўйнашни яхши кўраман. У яна биз билан бўлганидан жуда хурсандман", - деди Ройс Sky Sport Germany билан суҳбатда.
Санчо "Дармштадт"га қарши ўйинда (3:0) иштирок этди ва голли узатмани амалга оширди.
Эслатиб ўтамиз, Жейдон немис клубига "Манчестер Юнайтед"дан ижара асосида ўтган эди. Томонлар ўртасидаги келишув жорий мавсум охиригача амал қилади.
