"Барселона" бош мураббийи Хави Эрнандес қишки трансфер ойнасида таркибни кучайтиришга ишона олмаслигини айтди.
Каталонияликлар сафига ўтган ёзда "Aтлетико Паранаэнсе"дан Витор Роке қўшилди. 18 ёшли бразилиялик футболчи "кўк-анорранглиларнинг" қишки янги футболчилари рўйхатини тугатганга ўхшайди.
“Янги шартномаларми? Бугундан бошлаб клуб ҳеч ким билан шартнома имзолай олмайди.
Ҳозирги ҳолат шундай”, - деди Хави Испания Суперкубоги финалида “Реал”дан учралган мағлубиятдан сўнг (1:4) интервьюда.
Кейинги ўйинда "Барселона" кубокда "Унионистас" билан учрашади. Учрашув 18 январ куни бўлиб ўтади.
