"Сан-Сиро" стадионига янги майса ётқизилди, буни "Милан" учун ҳам, "Интер" учун ҳам яхши янгилик деб аташ мумкин. Бу ҳақда pianetamilan.it нашри хабар бермоқда.
"Милан" 27 январда ўтказиладиган "Болонья"га қарши ўйинни айнан янги майсада ўтказади. Янги чимнинг 15 фоизи сунъий, пластик, қолган қисми эса табиий ўтлардан иборат бўлади.
Эслатиб ўтамиз, "Сан-Сиро" 1926 йилга келиб қурилган ва яқинда миланликлар раҳбариятининг янги стадион қуриш истаги ҳақида кўп гапирилмоқда. Италия чемпионатида 20 тур ўтди, "Интер" турнир жадвалида пешқадамлик қилмоқда.
