“Тоттенхэм” ҳужумчиси Сон Хён Мин ФИФA томонидан йилнинг энг яхши мураббийи соврини учун овоз беришда иштирок этди.
Aввалроқ кореялик “Йилнинг энг яхши футболчиси” номинациясида қайси номзодга овоз бергани маълум бўлганди.
Сон энг яхши мураббий сифатида ўтган ёздан бери "шпорлар"ни бошқариб келаётган "Тоттенхэм"нинг ҳозирги устози Aнже Постекоглуни танлади.
Унинг қўл остида жамоа Премьер-лига турнир жадвалида бешинчи ўринда бормоқда. “Тоттенхэм”нинг собиқ ҳужумчиси Харри Кейн австралиялик бош мураббийлигида бирорта ҳам расмий ўйин ўтказа олмаган бўлса-да, Постекоглуни ўз рўйхатига учинчи ўринга қўйди.
Эслатиб ўтамиз, кеча тунда ФИФA талқинига кўра йилнинг энг яхши мураббийи деб “Манчестер Сити” вакили Пеп Гвардиола эътироф этилган эди.
