Лондоннинг “Челси” клуби ярим ҳимоячиси Энцо Фернандес мухлисларнинг умидларини оқлашдан умидини узмаяпти.
Бир йил аввал аргентиналик футболчи Лиссабоннинг “Бенфика” клубидан “Стэмфорд Бриж”га AПЛ учун рекорд миқдорда – 121 миллион евро эвазига ўтган эди.
“Биринчи олти ой мен учун қийин кечди, аммо янги мавсумда ҳаммаси осонлашди. Испан тилида сўзлашадиган мураббийлар штабига эга бўлиш ҳаётимни анча осонлаштирди.
Мен энг яхши даражамга эришиш учун ҳаракат қиляпман. Умид қиламанки, мен ҳали ҳам мухлисларнинг умидларини оқлай оламан", - дея Фернандеснинг сўзларидан иқтибос келтиради «Челси» расмий сайти.
