"Манчестер Юнайтед" вингери Амад Диалло доимий ўйин амалиётига эга бўлиш мақсадида ҳозирги жамоасини тарк этиш ниятида эмас. Бу ҳақда журналист Фабрицио Романо Х ижтимоий тармоғида (собиқ Twitter) хабар берди.
Манбанинг хабарига кўра, 21 ёшли футболчи ўз қарори ҳақида клубга маълум қилган. Манкунианликлар бош мураббийи Эрик тен Хаг келажакда ҳужумкор футболчидан қандай фойдаланиш ҳақида ўйлайди.
Қайд этилишича, “Мидлсбро” Диаллони ижарага олишга жиддий қизиқиш билдирган, бироқ ивуарлик аввалроқ ўйнаган “Сандерленд”ни ҳурмат қилгани учун бу клубга ўтишни истамаган.