"Интер" бош мураббийи Симоне Индзаги А Серия чемпионлиги учун курашда Туриннинг "Ювентус" клуби билан рақобат ҳақида гапирди.
Айни дамда "нерадзуррилар" "кекса синьора"дан икки очко фарқ билан чемпионат жадвалида пешқадамлик қилмоқда.
"Ювентус"нинг натижалари бизга босим ўтказяптими? "Интер"да ўйнаб, катта амбицияларга эга бўлишга ва турнир жадвалида биринчи ўринда бўлишга кўникасиз", - дея хулоса қилди италиялик мутахассис матбуот анжуманида.
Эслатиб ўтамиз, "Интер" охирги марта 2021 йилда Италия чемпионига айланганди. Ўшанда Антонио Конте бошчилигидаги жамоа кетма-кет 9 йил давомида А Серияда ғалаба қозонган "Ювентус"нинг гегемонлигини тўхтатганди.
