"Астон Вилла" ярим ҳимоячиси Дуглас Луис учун курашда янги даъвогар пайдо бўлди.

Журналист Пит О’Руркнинг берган маълумотларга кўра, "Ливерпуль" Луис учун курашга қўшилди ва Лондоннинг "Арсенал" клуби ва "Барселона" билан рақобатлашишга тайёр.

Манбанинг таъкидлашича, "Астон Вилла" Луисни ушбу трансфер ойнасида қўйиб юбормайди. 25 ёшли бразилиялик футболчининг нархи 100 миллион евродан ошади.

Футболчи учун кураш келаси ёзда бошланиши кутилмоқда. Жорий мавсумда Дуглас Англия Премьер-лигасида 6 та гол урди ва 3 та голли узатмани амалга оширди. "Астон Вилла" айни дамда чемпионатда учинчи ўринни эгаллаб турибди.