"Бавария" иссиқ ҳавода машғулот ўтказиш учун Португалияда бир неча кун бўлишга қарор қилди. Сешанба куни мюнхенликлар бош мураббийи Томас Тухель футболчиларга бир кунлик дам берди. Бир қанча футболчилар бундан унумли фойдаланиб, гольф ўйнашди. Бу ҳақида видео Бундеслига гигантлари матбуот хизмати томонидан эълон қилинди.
Гольфда Харри Кейн, Томас Мюллер, Свен Ульрайх, Конрад Лаймер ва Эрик Дайер ўзини синаб кўрган.
"Бавария" навбатдаги ўйинини 21 январь, якшанба куни ўтказади. Томас Тухель шогирдлари Германия чемпионатида ўз майдонида "Вердер"га қарши баҳс олиб боради. Айни пайтда мюнхенликлар Бундеслига турнир жадвалида иккинчи ўринни эгаллаб турибди.