"Ньюкасл" ҳимоячиси Киран Триппьер фаолиятини "Бавария"да давом эттириши мумкин.
Журналист Флориан Плеттенбергнинг ёзишича, "Бавария" 33 ёшли футболчи билан шахсий шартнома шартларини келишиб олган.
Бироқ Триппьер клуб учун устувор вариант эмаслиги айтилмоқда. Манбага кўра, мюнхенликлар агар "ПСЖ"дан Норди Мукиэлени ижарага ололмаса, англиялик футболчи билан шартнома имзолайди.
2023/24 йилги мавсумда Триппьер барча турнирларни ҳисобга олган ҳолда 28 учрашувда майдонга тушди ва саккизта голли узатмани қайд этди.
Transfermarkт портали маълумотларига кўра, футболчининг бозор нархи 11 миллион еврони ташкил қилади.
