Мадриднинг “Реал” клуби бош мураббийи Карло Aнчелотти Испания Кубогидан ўрин олган “Aтлетико” билан сўнгги дербини ёқтирмаганини айтди.
Эслатиб ўтамиз, “қироллик клуби” сафарда “матрасчилар”га 2:4 ҳисобида имкониятни бой бериб, турнирдан чиқиб кетган эди.
“Ўйлашимча, биз “Aтлетико”га қарши ўйинда тўпни яхшироқ назорат қилишимиз керак эди. Бизда клубга кўп муваффақият келтирган сифатли футболчилар бор.
Балки чарчоқ туфайли тўпни йўқотаётгандирмиз. Жамоамиз биргаликда ғалаба қозонади ва бирга мағлуб бўлади. Мен ҳеч кимни алоҳида танқид қилмайман", - деди Aнчелотти Ла Лига доирасида "Aльмерия" билан ўйин олдидан матбуот анжуманида.
