"Реал Мадрид" бош мураббийи Карло Aнчелотти жамоасининг "Aтлетико Мадрид" билан кубок ўйини ҳақида гапирди.
Эслатиб ўтамиз, Испания кубогининг 1/8 финалидан ўрин олган баҳс 4:2 ҳисобида "матрасчилар"нинг ғалабаси билан якунланган эди.
"Кубок ўйинини жуда яхши ўтказдик, бироқ баъзи хатоларга йўл қўйдик.
Ҳимояда етарлича эътиборли бўлмадик, аммо жамоа яхши ўйнади. "Aтлетико" Суперкубокни бой беришга лойиқ бўлмаганидек, биз ҳам бу ўйинда ғалаба қозонишга лойиқ эдик", - деди Aнчелотти журналистларга.
21 январь куни "Реал Мадрид" "Aльмерия" билан учрашади. Испания чемпионатининг 21-тур учрашуви соат 20:15да бошланади.