"Рома"нинг янги мураббийи Даниэле де Росси муваффақиятли дебютидан сўнг журналистлар билан суҳбатлашди.
Римликлар 19 ва 25-дақиқаларда Ромелу Лукаку ва Лоренцо Пеллегринининг голлари эвазига “Верона”ни 2:1 ҳисобида мағлуб этишди.
“Бу жуда ёқимли лаҳза, мен бу клубга ва мухлисларга жуда боғланиб қолганман. Мен бу саргузаштдан завқ олишим керак, лекин муваффақиятли иш қилиш учун мен ҳам 100% жонимни беришим керак.
Менга биринчи бўлим ёқди. "Верона" жисмонан кучли жамоа. Иккинчи бўлимда яхшироқ ўйнашимиз мумкин эди, аммо бугун ғалаба қозониш жуда муҳим эди. “Рома” тўпда устунлик қилишини ва уни тезроқ ҳаракатлантиришини истайман. Биз бунинг устида ишлашимиз керак", - деди де Росси.
