"Барселона" бош мураббийи Хави Каталония клуби футболчиларининг жароҳатлари жамоа натижаларига таъсирини баҳолади.
"Жароҳатлар ҳар доим тўсқинлик қилади, аммо бу муаммо эмас. Мени ўйинимизнинг яхшиланиши кўпроқ ташвишлантирмоқда. Ўз навбатида жароҳатлар ҳам футболнинг бир қисми. Улар рақобат жараёнининг ажралмас қисмидир", - деди Хави AS билан суҳбатда.
Эслатиб ўтамиз, ҳозирда “кўк-анорранглилар” сафида жароҳат олган етти нафар футболчи бор: ярим ҳимоячи Гави, дарвозабон Марк-Андре тер Штеген, қанот ярим ҳимоячиси Рафинья, ўнг қанот ҳимоячиси Жоау Канселу, чап қанот ҳимоячиси Маркос Алонсо, шунингдек, марказий ҳимоячилар Андреас Кристенсен ва Иньиго Мартинес.
Испания чемпионатининг 19-туридан кейин “Барселона” 41 очко жамғариб, учинчи ўринда бормоқда.
