"Ливерпуль" бош мураббийи Юрген Клопп жамоасининг ҳозирги ҳолати ҳақида гапирди.
"Мен даҳо эмасман ва тўрт ой ичида нима бўлишини олдиндан айтиб бера олмайман. Мен фақат энг яхши ечим ва энг яхши ғояларни топишга ҳаракат қиламан. Баъзан улар ишлайди, баъзан эса ўзгариши керак. Бироқ, сиз жамоа ҳақида аниқ тасаввурга эга бўласиз ва улар тўғри йўналишда ҳаракат қилмоқдами ёки йўқлигини кўришингиз мумкин.
Одамлар чемпион бўлишимиз мумкин деб ўйлашади. Биз ҳозир бу ҳақда гапирмаяпмиз, лекин биз ҳеч ким "Ливерпуль" билан ўйнашни истамайдиган жамоа туздик. Бизда ҳали катта қадамлар бор, лекин биз тўғри йўналишда кетяпмиз", - деди Клопп Sky Sports билан суҳбатда.
Эслатиб ўтамиз, Англия чемпионатининг 20-туридан кейин "Ливерпуль" 45 очко жамғариб, биринчи ўринни эгаллаб турибди.
