Ҳуқуқлари "Манчестер Юнайтед"га тегишли бўлган ҳужумчи Мэйсон Гринвудда ҳали ҳам клубда ўзини кўрсатиш имконияти мавжуд. Goal порталининг нуфузли инсайдер Фабрицио Романога таяниб хабар беришича, Гринвуднинг "қизил иблислар" лагеридаги келажаги клубнинг янги спорт директори томонидан белгиланади.
Гринвуд ҳозирда "Хетафе"да ижара асосида ўйнамоқда. Ўтган йили "Манчестер Юнайтед" футболчини ўзида қолдирмасликка қарор қилган, гарчи унга нисбатан зўравонлик айбловлари 2023 йилнинг февралида олиб ташланган бўлса ҳам.
22 ёшли Мэйсон Гринвуд жорий мавсумда 19 та ўйинда 5 та гол урди ва 4 та голли узатмани амалга оширди.
