"Тоттенхэм" "Фенербахче" ва Польша терма жамоаси ярим ҳимоячиси Себастьян Шиманскини сотиб олмоқчи.
Манбанинг хабарига кўра, "шпорлар" раҳбарияти жорий трансфер ойнасидаёқ 24 ёшли ярим ҳимоячини сотиб олиш бўйича турк клубига таклиф билан чиқади. “Фенербахче” етакчиларидан бирини сотишдан камида 35 миллион евро ишлаб олишни мақсад қилган.
Польяк “Фенербахче” сафида 2023 йилнинг июлидан буён ўйнамоқда. Жорий мавсумда ярим ҳимоячи истанбулликлар сафида барча турнирларда 33та ўйин ўтказиб, 12та гол ва 13та голга ассистентлик қилган. Футболчининг амалдаги клуби билан шартномаси 2027 йилнинг июн ойи охиригача амал қилади.
