"Бетис" ярим ҳимоячиси Иско "Реал"даги фаолияти ҳақида бир неча сўз айтди. 31 ёшли футболчининг сўзларига кўра, у "Лос-Бланкос" лагерида қандайдир психологик муаммоларга дуч келган.
“Мен синдим ва вазиятни ўзгартириш учун маънавий кучим етмади. Мен ўзимни қурбондек ҳис қилдим, гарчи ундай бўлмасам ҳам”, деди Иско Movistar Plus+ дастурида.
Иско 2013-2022 йилларда "Реал" шарафини ҳимоя қилган. Бу даврда ярим ҳимоячи 353 та расмий ўйин ўтказди. Уларда Иско шериклари сафида 53 та гол ва 57 та голли узатмани амалга оширди.
