Бельгиянинг “Антверпен” клуби ярим ҳимоячиси Артур Вермирен яқин орада Испанияга кўчиб ўтади. Таниқли инсайдер Фабрицио Романонинг сўзларига кўра, Мадриднинг "Атлетико" клуби Белгия жамоаси билан 18 ёшли ярим ҳимоячининг трансфери борасида аллақачон келишиб олган.
Манбанинг хабарига кўра, трансфер суммаси бонус тўловлари билан бирга 22 миллион еврони ташкил қилади. Қайд этилишича, айни дамда “Атлетико” Вермирен билан шартнома имзолаш учун ҳужжатларни тайёрламоқда.
Эслатиб ўтамиз, аввалроқ ёш футболчига "Барселона", "Арсенал", "Манчестер Юнайтед", "Манчестер Сити" ва "Тоттенхэм" клублари қизиқиш билдираётгани ҳақида хабар берилганди.
