Belgiyaning “Antverpen” klubi yarim himoyachisi Artur Vermiren yaqin orada Ispaniyaga ko‘chib o‘tadi. Taniqli insayder Fabrisio Romanoning so‘zlariga ko‘ra, Madridning "Atletiko" klubi Belgiya jamoasi bilan 18 yoshli yarim himoyachining transferi borasida allaqachon kelishib olgan.
Manbaning xabariga ko‘ra, transfer summasi bonus to‘lovlari bilan birga 22 million yevroni tashkil qiladi. Qayd etilishicha, ayni damda “Atletiko” Vermiren bilan shartnoma imzolash uchun hujjatlarni tayyorlamoqda.
Eslatib o‘tamiz, avvalroq yosh futbolchiga "Barselona", "Arsenal", "Manchester Yunayted", "Manchester Siti" va "Tottenxem" klublari qiziqish bildirayotgani haqida xabar berilgandi.