"Барселона" ярим ҳимоячиси Педри "Атлетик" билан Испания кубоги чорак финалидаги мағлубиятдан сўнг (2:4) жамоанинг муаммоларини айтиб ўтди.
“Бу қийин мағлубият. Биз учта фронтда чемпионлик учун қаттиқ курашмоқчи эдик, аммо оғир мағлубият билан кетяпмиз. Ўйинларда кўпроқ фидойилик кўрсатишимиз кераклиги аниқ. Ўзимизни танқид қилишимиз керак. Ҳимояда олдинга қадам ташлаш керак. "Атлетик" кучли прессинг қилмоқда. Бизда тўпни яхшироқ ушлаб туриш учун кўпроқ маҳорат етишмаяпти", - дея Педрининг сўзларини келтиради AS.













