"Ливерпуль" бош мураббийи Юрген Клопп Муҳаммад Салоҳнинг Гана билан Африка Миллатлар Кубоги гуруҳ босқичи 2-тур учрашувида (2:2) олган жароҳати туфайли Миср терма жамоасидан муддатидан олдин қайтиши ҳақида гапирди.
"Миср ва "Ливерпул"нинг қизиқишлари бир хил - биз Салоҳ имкон қадар тезроқ формага киришини истаймиз.
Агар у ўша ерда қолса ва улар тўғри даволамаса, бу унинг тикланишини кечиктиради, бу эса барча томонларга тўсқинлик қилади. Шунинг учун биз уни бу ерга олиб келдик. Бу биз уни терма жамоадан олиб қўймоқчи бўлганимиз учун эмас, балки энг яхши тиббий муолажани таклиф қилиш учун чақириб олдик. Биз хоҳлаган нарса шу.
Ҳаммаси келишилган. Агар Миср финалга чиқса ва Салоҳ формада бўлса, у қайтиши ва терма жамоаси билан ўйинни якунлаши аниқ. Бу 100 фоиз. Салоҳ буни хоҳлайди, биз буни хоҳлаймиз. Биз мутлақо ҳалолмиз", - деди Клопп beIN Sports билан суҳбатда.
Эслатиб ўтамиз, аввалроқ Муҳаммад Салоҳ жароҳатидан фориғ бўлиб "Ливерпуль" сафига қайтиши маълум бўлганди.
