Куни кеча иқтидорли футболчи Суннатилла Абдуллажонов "Андижон" билан шартнома имзолагани тўғрисида хабар бериб ўтгандик. Бу йил 28 ёшни қаршилайдиган ярим ҳимоячи клуб матбуот хизматига интервью берди.
— Суннатилла, «Андижон» клубига хуш келибсиз! Шартнома имзолангач, қандай ҳиссиётларни кечирмоқдасиз?
— Аввало, жамоа раҳбариятига ҳамда мураббийлар штабига менга ишонч билдириб, жамоага таклиф қилишгани учун раҳмат айтмоқчиман. Шартнома имзолаганимдан кейин ҳиссиётлар зўр, албатта хурсандман. Олдимизда янги мавсумга тайёргарликни давом эттириш учун ўқув-машғулот йиғинлари бор. Машғулотларни яхши ўтказиб, тезроқ чемпионат бошланишини кутяпман. Худо хоҳласа, янги мавсумда мухлисларни албатта хурсанд қиламиз.
— Бу таклиф сизга кўпроқ нимаси билан ёқди?
— «Андижон» клуби бегона бўлмаганлиги учун унинг мухлисларини яхши биламиз. Ўйинлар чоғида стадионда қанақа муҳит ҳукм суришидан хабардормиз. Бундай муҳитда тўп суриш ҳамма футболчи учун ёқимли. Бош мураббийнинг шахсан ўзи таклиф қилиб, ишонч билдиргани учун «Андижон» жамоаси билан шартнома имзолашга қарор қилдим.
— Андижонлик мухлислар сизни яхши эслашади. 2018 йилги мавсумда ҳам жамоа шарафини ҳимоя қилгансиз. 5 йилдан сўнг яна қайтдингиз. Жамоада эски дўстларингиздан кимларни кўрдингиз?
— 2018 йилда ўйнаб, 5 йилдан кейин қайтганим ва бу ерда таниш футболчилар борлигини айта оламан. Жамоамиз сардори Илдар Маматказин ва яна кўплаб ўйинчилар билан бирга ўйнаганмиз, жуда яхши танишмиз. Шу томонларидан ҳам менга осон бўлади, деб ўйлайман. Чунки бундай жараёнда клубга киришиб кетиш ва мослашиш ҳолати тезроқ ўтади. Албатта, бу нарса фойдамга бўлади, деб умид қиламан.
— Клубда қайси рақамни танладингиз ва нима учун?
— Бу мавсумда мен учун 11-рақамни танладим. Чунки 2018 йили «Андижон»да тўп сурганимда ушбу рақамда ўйнаганим учун ҳам бу сафар яна 11 ни танладим.
— «Андижон» билан ўз олдингизга қандай мақсад қўйдингиз?
— Ўтган мавсумда кўрдикки, «Андижон» барча клубларга, айниқса, юқори ўринлардаги жамоаларга ҳақиқий бош оғриғи бўлди. Бу йил ҳам ўша темпни туширмасдан яхши рақобат кўрсатиб, янада юқори поғоналарни эгаллашни мақсад қилганмиз.
— Андижонлик мухлисларга қандай гапингиз бор?
— Боя айтиб ўтганимдек, жамоа мухлислари стадионда бошқача муҳитни ярата оладилар ва «Андижон»ни 90 дақиқа фаол тарзда қўллаб-қувватлаб турадилар. Ишонаманки, янги мавсумда ҳам худди шунақа бўлади. Улар бизни қўллаб туришдан чарчашмасин ва бу бизга қўшимча куч бўлади. Уларни албатта хурсанд қиламиз.
«Андижон» матбуот хизмати.
| 07/02 00:45 | Верона | 0-0 | Пиза | ||
| 07/02 01:00 | Лидс | 3-1 | Ноттингем Форест | ||
| 07/02 01:00 | Сельта | 1-2 | Осасуна | ||
| 07/02 17:00 | Индонезия | - | Эрон | ||
| 07/02 17:30 | Ман. Юнайтед | - | Тоттенхэм | ||
| 07/02 18:00 | Райо Вальекано | - | Реал Овьедо | ||
| 07/02 20:00 | Борнмут | - | Астон Вилла | ||
| 07/02 20:00 | Арсенал | - | Сандерленд | ||
| 07/02 20:00 | Бёрнли | - | Вест Хэм | ||
| 07/02 20:00 | Фулхэм | - | Эвертон | ||
| 07/02 20:00 | Вулверхэмптон | - | Челси | ||
| 07/02 20:15 | Барселона | - | Мальорка | ||
| 07/02 22:00 | Женоа | - | Наполи | ||
| 07/02 22:30 | Ньюкасл | - | Брентфорд | ||
| 07/02 22:30 | Севилья | - | Жирона | ||
| 08/02 00:45 | Фиорентина | - | Торино | ||
| 08/02 01:00 | Реал Сосьедад | - | Эльче | ||
| 08/02 16:30 | Болонья | - | Парма | ||
| 08/02 18:00 | Алавес | - | Хетафе | ||
| 08/02 19:00 | Лечче | - | Удинезе | ||
| 08/02 19:00 | Брайтон | - | Кристал Пэлас | ||
| 08/02 20:15 | Атлетик Бильбао | - | Леванте | ||
| 08/02 21:30 | Ливерпуль | - | Манчестер Сити | ||
| 08/02 22:00 | Сассуоло | - | Интер | ||
| 08/02 22:30 | Атлетико | - | Бетис |
Суннатилла Абдуллажонов: «Бу йил ҳам ўтган йилги темпни туширмасдан янада юқори поғоналарни эгаллашни мақсад қилганмиз»
| Баҳо: |
+ | -
|
Рукн: Интервьюлар
Манба: andijanfc.uz
Киритилди: 10:08, 25.01.2024.
Ўқилди: 838 марта.
Фикрлар: 0 та.
Ўқилди: 838 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
«Манчестер Сити»да катта тозалов: Клуб ёзда бир қатор юлдузлари билан хайрлашишга тайёр [6023]
Испаниядаги икки манба Флорентино Перес «Барселона» юлдузини нишонга олганини тасдиқлади [3128]
Расман: Абдуқодир Ҳусанов "Сити"да январь ойининг энг яхши футболчиси (фото) [2275]
Рафинья: Гавининг нарсаларини бутун жамоа қидиришга мажбур [2256]
«Фенербаҳче» спорт директори Элдор Шомуродовнинг агенти билан учрашди [1812]
Роналду маош бўйича қарз тўланганида «Ал-Иттиҳод»га қарши ўйнаши мумкин эди [1765]
«Реал» ҳимоядаги заиф нуқтани ёпиш учун номзодлар топди [1730]
"Манчестер Юнайтед" ва "Ливерпуль" Мане трансфери учун курашмоқда [1695]
"ПСЖ" "Барселона"дан келган футболчини Чемпионлар лигасига рўйхатдан ўтказди [1677]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|