Кеча, 24 январь куни Роттердамнинг "Фейеноорд" клуби Нидерландия кубоги 1/8 финалида ПСВ Эйндховенни қабул қилиб, 1:0 ҳисобида ғалаба қозонди. Ягона гол ўйиннинг 31-дақиқасида ярим ҳимоячи Квинтен Тимбер томонидан киритилди.
Шу тариқа, ПСВнинг икки мағлубиятсиз серияси бирданига якунланди. Нидерландия кубогида Эйндховен клуби олдинги 11 ўйинда ғалаба қозонган бўлса, ушбу серия давомида "қизил-оқлар" икки марта кубокни қўлга киритишди. Барча турнирларда ПСВ сўнгги 20 учрашувда мағлуб бўлмаган, бу давр мобайнида 16 ғалаба ва 4 марта дуранг қайд этган.
Эйндховен 18 учрашувдан кейин 52 очко билан Эредивизия турнир жадвалида пешқадамлик қилмоқда ва чемпионат бошланганидан бери атиги икки очко йўқотди. ПСВнинг энг яқин таъқибчиси "Фейеноорд" бўлиб, у 10 очко ортда қолмоқда.
