"Негрейра иши" билан шуғулланаётган ҳакам Хоакин Агирре судланувчи сифатида кўрсатма бериш учун Испания Қироллик футбол федерацияси ҳакамлар комиссиясининг собиқ вице-президентини чақирди, дея хабар бермоқда AS нашри.

Қайд этилишича, Негрейра соғлигидаги айрим муаммоларга қарамай гувоҳлик бера олади. Эслатиб ўтамиз, аввалроқ Хоакин Агирре далил йўқлиги сабабли "Барселона"га қарши спорт коррупцияси бўйича терговни якунлашга қарор қилгани ҳақида маълумот пайдо бўлган эди.

"Барселона" Ла Лига ҳакамларини "кўк-анорранглилар" фойдасига қарор қабул қилишга мажбурлаш учун Негрейрага бир неча йил пора берганликда айбланган эди. Бу айбловларга жавобан каталонияликлар Негрейра улар учун фақатгина испаниялик ёш футболчилар ва ҳакамликнинг айрим жиҳатларига тегишли техник ҳисоботлар тузганини айтишди.